АНУ-ын засаг захиргаа чухал ашигт малтмал олборлох, боловсруулах олон улсын эвсэл байгуулахаар төлөвлөж байгаа тухай тус улсын дэд ерөнхийлөгч Төрийн департаментад лхагва гарагт болсон чухал ашигт малтмалын асуудлаарх сайд нарын уулзалтын үеэр мэдэгджээ.
Түүний хэлснээр, эвсэлд оролцогчид зарим эрдэс бодист жишиг үнэ тогтоож, тогтвортой түвшинд хадгалах аж. “Үнийн бүтцийг тогтвортой байлгахын тулд эдгээр жишиг үнэ нь зохицуулалттай тарифуудаар баталгаажсан доод түвшин байх болно” гэж тэрбээр хэлсэн байна.
“Бид дотоодын үйлдвэрлэгчдийг шахан зайлуулж, хямд үнэтэй чухал эрдэс бодисуудаар манай зах зээлүүдийг дүүргэж байгаа асуудлыг арилгахыг хүсэж байна. Учир нь тэд манай үйлдвэрлэгчдийг шахан зайлуулсан даруйдаа, зах зээлээс гарч үнийг шударга бус түвшинд өсгөх болно. Энэ асуудлыг бид хамтдаа шийдвэрлэнэ” гэж АНУ-ын дэд ерөнхийлөгч хэлжээ.
Тэрбээр хэлэхдээ “Бидний зорилго бол энэхүү арилжааны бүсэд олон төрлийн үйлдвэрлэлийн төвүүдийг бий болгох, хөрөнгө оруулалтын тогтвортой нөхцөл, гадаад цочролоос хамгаалагдсан нийлүүлэлтийн сүлжээг бүрдүүлэх явдал юм” гэсэн байна. Ж.Д.Вэнс мөн уулзалтад оролцсон 50 гаруй орны төлөөлөгчид энэхүү санаачилгад нэгдэх хүсэлтэй байгаагаа илэрхийллээ хэмээн нэмж дурджээ.
Эх сурвалж: TASS
