АНУ-ын агаарын теннисний нээлттэй аваргын тэмцээнийг зохион байгуулагчид тэмцээний нийт шагналын санг өнгөрсөн оныхоос 15 сая ам.доллараар нэмэгдүүлснээ зарлав. Ингэснээр 2025 оны US Open тэмцээний шагналын сан 90 сая ам.долларт хүрчээ. Тэмцээн өнгөрсөн ням гарагт эхэлсэн бөгөөд есдүгээр сарын 15 хүртэл үргэлжилнэ.

Эрэгтэй, эмэгтэйчүүдийн ганцаарчилсан төрлийн аваргууд тус бүр 5 сая ам.долларын шагнал хүртэх бол финалд шалгарсан тамирчид 2.5 сая ам.доллар авна. Өнгөрсөн онд эдгээр шагналын хэмжээ нь 3.6 сая болон 1.8 сая ам.доллар байв. Хосын төрлийн болон эрэгтэй, эмэгтэй холимог хосын аваргууд тус бүр 1 сая ам.доллар хүртэнэ.

Өнгөрсөн дөрөвдүгээр сард Их Дуулгын цувралын Францын нээлттэй “Ролан Гаррос” тэмцээний шагналын сан 56.352 сая еврогийн хэмжээнд хүрсэн бөгөөд тэр үед шилдэг теннисчид шагналын санг нэмэхийг уриалж байв. Үүний дараа Уимблдоны тэмцээн шагналын сангаа 75 сая ам.доллар болгон нэмэгдүүлжээ.

Ингэснээр энэ жилийн Их Дуулгын дөрвөн тэмцээн бүгд шагналын сангаа өсгөсөн байна.

Эх сурвалж: Office Life