Домогт хөлбөмбөгчин Диего Марадонагийн амь нас алдсан хэрэгт буруутгагдаж буй этгээдүүдийн шүүх хурал Аргентинд хойшлогдлоо. Шалтгаан нь шүүх бүрэлдэхүүнд оролцож буй шүүгчдийн нэг Жулета Макинтач өмнө нь хэргийг баримтжуулах зураг авалтад оролцсон тул дүгнэлт гаргахдаа ашиг сонирхлын зөрчил үүсч болзошгүй гэх үндэслэлээр гомдол гаргасан явдал байв.

Ж.Макинтач шүүх хурлын үеэр тусгай багт биет бичлэг хийхийг зөвшөөрсөн нь шүүгчийн ёс зүйн дүрэм зөрчсөн гэж үзсэн байна. Харин тэрбээр баримтжуулсан бичлэгт зөвхөн яриа өгсөн, өөр ямар нэг шүүхийн процессод оролцоогүй хэмээн тайлбарлажээ.

Энэ нөхцөл байдлаас үүдэн шүүх бүрэлдэхүүнийг дахин бүрдүүлэх хүртэл шүүх хурал тодорхойгүй хугацаагаар хойшлогдсон байна.

Марадона 2020 оны арваннэгдүгээр сард тархины цус харвалтад орж, түүнээс хойш 60 насандаа таалал төгссөн. Аргентины прокурорын байгууллага түүнийг эмчлэж байсан найман хүнийг албан үүргээ гүйцэтгээгүй, хайнга хандсан хэмээн буруутгаж байгаа юм. Эдгээр хүмүүсийн дотор эмч, сувилагч, сэтгэлзүйч зэрэг эмнэлгийн багийн гишүүд багтсан.

Найман сэжигтний долоогийн шүүх хурал 2025 оны гуравдугаар сард эхэлсэн бол найм дахь хүний шүүх хурал эхний шатны ажиллагаа дууссаны дараа тусад нь товлогдохоор байгаа аж.

Хэрвээ тэднийг буруутай нь тогтоовол Аргентины хуульд зааснаар 8-25 жилийн хорих ял оногдуулах боломжтой юм.

Эх сурвалж: CNN