Төрийн байгууллагуудын үйл ажиллагаа:

• УИХ-ын чуулганы нэгдсэн хуралдаан өнөөдөр Төрийн ордонд болно.

• 09:00 цагт “Бүсчилсэн хөгжил – Төрийн албаны манлайлал” сэдэвт нийслэлийн зөвлөгөөн Улаанбаатар зочид буудлын бага танхимд эхэлнэ. (Холбоо барих: 99127029)

• 11:00 цагт ОБЕГ-аас ой хээрийн түймэр болон цаг үеийн асуудлаар мэдээлэл хийнэ. (Холбоо барих: 86150069)

• 12:00 цагт Хүрээ Ротари клубын зүгээс Эх нярай, эмэгтэйчүүдийн үндэсний төвд нярайн эрчимт эмчилгээний шаардлагатай тоног төхөөрөмж хандивлана. Үйл явдал тус төвийн 6 давхрын хурлын танхимд болно. (Холбоо барих: 99162939)

Онцлох үйл явдал:

• БНСУ-ын Засгийн газар болон Монголын Соёл, спорт, аялал жуулчлал, залуучуудын яам хамтран хэрэгжүүлж буй “Аялал жуулчлалын сургалтын төв” өнөөдөр нээлтээ хийнэ.

• Өнөөдөр Энхийг сахиулагчдын өдөр тохиож байна.

• Яармаг дахь IC Park-т “Модлог гарден экспо” нэртэй цэцэрлэгжүүлэлтийн үзэсгэлэн, худалдаа эхэлж, зургаадугаар сарын турш үргэлжилнэ. Үзэсгэлэнг Монголын мод үржүүлэг, цэцэрлэгжүүлэлтийн мэргэжлийн байгууллагуудын холбоо зохион байгуулж байна.

Орон нутагт:

• Архангай аймагт хөдөлмөр заслын олон улсын эрдэм шинжилгээний хурал зохион байгуулагдаж байна.

• Сэлэнгэ аймгийн Шаамар сумын соёлын төвд “Би эстрадын дуучин-2025” уралдаан тавдугаар сарын 30-ныг хүртэл үргэлжилнэ.

• Архангай аймгийн музейд “Байгалийг ойроос” сэдэвт түр үзэсгэлэн долдугаар сарын 28-ныг хүртэл нээлттэй байна.

Гадаад улсад:

• Чехийн Үндэсний музейд “Чингис хаан” сэдэвт олон улсын үзэсгэлэн зургадугаар сарын 22-ныг хүртэл үргэлжилнэ.

Эх сурвалж: НЗДТГ, УИХ, ОБЕГ, ЭНЭТ, IC Park