Тавдугаар сарын 29-нөөс зургаадугаар сарын 1-ний өдрүүдэд “Буянт-Ухаа” спортын ордонд чөлөөт болон сонгомол бөхийн дэлхийн чансааны оноо олгох олон улсын тэмцээн зохион байгуулагдана. Энэхүү тэмцээн нь Монгол Улсад өндөр түвшинд зохион байгуулагдаж буй бөхийн олон улсын тэмцээнүүдийн нэг бөгөөд дэлхийн шилдэг тамирчид оролцохоор ирж байна.

Тэмцээний үеэр үзэгчид болон тамирчдад зориулж үнэ төлбөргүй автобусны үйлчилгээ үзүүлэхээр болжээ. Автобус дараах хуваарийн дагуу хөдөлнө:

• Спортын төв ордноос Буянт-Ухаа ордон руу: 09:00, 10:00, 16:30 цагт

• Буянт-Ухаа ордноос Спортын төв ордон руу: 15:00, 20:30 цагт

Энэхүү мэдээллийг Монголын чөлөөт бөхийн холбооноос албан ёсоор мэдээлсэн бөгөөд тэмцээнийг үзэх хүсэлтэй иргэд тээврийн үйлчилгээг ашиглан аюулгүй, тав тухтай зорчих боломжтой юм.

Эх сурвалж: Монголын чөлөөт бөхийн холбоо