Дэлхийн чансааг тэргүүлэгч Беларусийн теннисчин Арина Соболенко Испанийн Мадрид хотноо зохиогдсон Мадридын нээлттэй тэмцээний финалд Америкийн Коко Гауффыг 6-3, 7-6-гийн харьцаатай буулган авч, уг тэмцээний гурав дахь, карьерийнхаа 20 дахь цомыг хүртлээ.
Энэ ялалтаар тэрээр Мадридын нээлттэй тэмцээний түүхэнд хамгийн олон түрүүлсэн тамирчны нэг болсон бөгөөд уг тэмцээнд 2021, 2023 онд мөн түрүүлж байсан юм. Ингэснээр Чехийн алдарт теннисчин Петра Квитовагийн амжилттай зэрэгцэв.
Соболенко энэ жил:
-
Брисбен
-
Майами
-
Мадрид
гэсэн гурван тэмцээнд дараалан түрүүлж байгаа бөгөөд улирлын онцлох амжилт үзүүлж байна. Тэрээр тоглолтын дараа сэтгэгдлээ хуваалцахдаа:
“Үнэхээр хүнд тоглолт байлаа. Коко маш сайн бэлтгэлтэй байсан. Гэхдээ өөртөө итгэсний ачаар ялалтад хүрч чадлаа” хэмээн онцолжээ.
Харин Мадридын нээлттэй тэмцээний эрэгтэйчүүдийн финалын тоглолт Ням гарагт болох бөгөөд тус тоглолтод Норвегийн Каспер Руд, Британийн Жак Дрэйпер нар хүч үзэх юм.
Эх сурвалж: Associated Press
