Америкийн уран гулгагч Алиса Лю 2024 оны уран гулгалтын Дэлхийн аварга шалгаруулах тэмцээний эмэгтэйчүүдийн ганцаарчилсан төрөлд 222.97 оноогоор тэргүүлж, алтан медалийн эзэн боллоо. Японы Каори Сакамото 217.98 оноогоор мөнгө, Монэ Тиба 215.24 оноогоор хүрэл медаль хүртжээ.

Лю энэ амжилтаараа 2006 оноос хойш дэлхийн аваргад түрүүлсэн АНУ-ын анхны эмэгтэй гулгагч болж, 2006 онд Кимми Мейсснерийн үзүүлсэн амжилтыг давтсан байна. Үүнээс өмнө Мишель Кван 2001, 2003 онуудад түрүүлж байв.

19 настай Алиса Лю 2019 онд 13 насандаа АНУ-ын аварга шалгаруулах тэмцээнд түрүүлж, тус улсын хамгийн залуу аваргаар тодорч байсан. 2022 оны Бээжингийн Олимпод 6 дугаар байрт шалгарсан тэрбээр зодог тайлснаа мэдэгдсэн ч 2024 онд мөсөн талбайдаа эргэн ирж, 2025 оны АНУ-ын аваргад мөнгөн медаль хүртжээ.

ДАШТ өнөөдөр өндөрлөж байгаа бөгөөд энэхүү тэмцээн нь 2026 оны өвлийн Олимпод оролцох эрх олгох чухал шалгуур болж байна.

Эх сурвалж: ТАСС