Монголын автомашин, мотоциклын спортын холбоо (МАМСХ) Олон улсын автомашины холбоо (ФИА), Олон улсын мотоциклын холбоо (ФИМ)-ны дүрэм, зарчимд тулгуурлан холбооны дүрмээ шинэчлэн баталсан байна. Шинэчилсэн дүрэмд тусгагдсан хамгийн чухал өөрчлөлт бол тус холбооны эрх барих дээд байгууллагыг “Их хурал” байхаар тогтоосон явдал юм.
Энэ өөрчлөлтийн дагуу 2025 оны ээлжит Их хурлыг ирэх сарын 10-нд зохион байгуулахаар товложээ. Уг хурлаар холбооны дүрмийн шинэчлэлийн үр нөлөө, ирэх дөрвөн жилд ажиллах удирдлагын бүтэц, автомашин болон мотоциклын спортын ирээдүйн чиг хандлагыг хэлэлцэхээр төлөвлөж байна.
Хурлын бүртгэл маргааш хаагдах бөгөөд нийт 30 төлөөлөгч оролцохоор баталгаажсан байна. Энэхүү үйл явдал нь Монголын авто, мото спортын зохион байгуулалт, хөгжилд шинэ шат авчрах хүлээлт дагуулж байгаа юм.
Эх сурвалж: МАМСХ.
