2025 оны Харү башёгийн эхний таван өдөр үргэлжилж, макүүчи зиндаанд унаагүй бөх үлдсэнгүй. Шинэ ёкозүна Хошёорюү С.Бямбасүрэн гурван даваа, хоёр унаатай башёг үргэлжлүүлж байгаа бол озэки Котозакүра гурван удаа унасан байна.
Макүүчи зиндаанд долоон бөх дөрвөн даваатай тэргүүлж байгаа бөгөөд тэдний нэг нь Онокацү Б.Чойжилсүрэн юм. Харин 17 бөх гурван даваатайгаар тэргүүлэгчдийг нэхэж байна.
Таван зиндаанд барилдаж буй 21 монгол сумочийн амжилтыг тоймлон хүргэж байна.
Макүүчи зиндаа
- Ёкозүна Хошёорюү С.Бямбасүрэн 3-2
- Комүсүби Киришима Б.Лхагвасүрэн 3-2
- Б-2 Чиёошома Г.Мөнхсайхан 3-2
- Б-7 Тамаваши Б.Мөнх-Оргил 3-2
- Б-8 Оошёоүма П.Дэлгэрбаяр 1-4
- Б-12 Онокацү Б.Чойжилсүрэн 4-1
Жюүрёо зиндаа
- З-1 Тамашохо Э.Энхманлай 2-3
- З-3 Рога А.Амарсанаа 4-1
- З-6 Миторюү Б.Төрболд 1-4
Макүшита зиндаа
- Б-7 Дайшохо Ч.Шижирбаяр 1-2
- З-8 Котокэнрюү Г.Билгүүн 0-2
- З-9 Кёкүкайюү Ш.Далайбаатар 2-1
- З-10 Дэванорюү Т.Тэмүүлэн 3-0
- Б-15 Асахакүрюү Р.Жамъянтогтох 2-1
- Б-16 Казэноүми Ц.Билгүүн 1-2
- З-21 Хокүтомарү Н.Чинзориг 1-1
- Б-29 Хокүтэнкай Г.Сүхбат 1-1
- З-45 Сэйхакүхо Ө.Дэмиджамц 2-0
Санданмэ зиндаа
- З-6 Госэйзан Б.Мөнх-Од 0-2
- Б-18 Саданохикари Д.Наранцогт 1-1
Жонокүчи зиндаа
- Б-13 Тэнросэй С.Лувсангомбо 2-0
Мэргэжлийн сумогийн анхны башёдоо зодоглож буй улсын начин Д.Сэржбүдээгийн хүү Тэнросэй С.Лувсангомбо эхний хоёр барилдаандаа дараалан ялалт байгуулсан нь онцлох амжилт болж байна.
