“Музейн нээлттэй өдрүүд” улсын хэмжээнд “Бүсчилсэн хөгжил ба эх оронч үзэл” агуулгын хүрээнд энэ сарын 7-13-ны өдрүүдэд зохион байгуулагдаж байна.
Чингис хаан Үндэсний музей энэ өдрүүдийн хүрээнд олон нийтэд зориулсан тусгай хөтөлбөрүүд хэрэгжүүлж байна. Үүнд:
- “Халхын хунтайжийн хадны бичээс” модон барын хөтөлбөр
- “Монголчуудын наран саран шүтээн” ил захидлын хөтөлбөр
- Монгол хаадын сэрэг дүрийн уран баримлын бүтээлүүдийг сурталчлах
Мөн түүх, археологи, соёл судлалын чиглэлээр суралцаж буй оюутнуудад зориулан музейн үзмэрүүдийг танилцуулж, музейгээс эрхлэн гаргасан ном бүтээлүүдийн үзэсгэлэнг гарган олон нийтэд дэлгэн үзүүлж байна.
Энэхүү нээлттэй өдрүүдийг гуравдугаар сарын эхний долоо хоногт зохион байгуулдаг уламжлалтай ч энэ жил Үндэсний Цагаан сарын баяртай давхацсан тул Соёл, спорт, аялал жуулчлал, залуучуудын сайдын тушаалаар 3-р сарын 7-ноос эхлүүлэн зохион байгуулж байна.
Эх сурвалж: Соёл, спорт, аялал жуулчлал, залуучуудын яам
