Аваргуудын лигийн шөвгийн 16-гийн хасагдах шатанд өрсөлдөх багуудын нэрс тодорхой болж, шөвгийн 16-ийн оноолтын талаар таамаг гарч байна.

Лхагва гарагт болсон тоглолтын үр дүнд "Реал Мадрид", "Пари Сен-Жермен", Дортмундын "Боруссиа", Эйндховены ПСВ багууд плей-оффын шатанд шалгарлаа. Харин мягмар гарагт "Брюгге", "Бавариа", "Фейенорд", "Бенфика" багууд хасагдах шатанд өрсөлдөх эрхээ авсан байна.

Шөвгийн 16-д тоглох багуудын урьдчилсан оноолтын таамаг дараах байдалтай байна:

• "ПСЖ" (Франц) - "Ливерпүүл" (Англи) эсвэл "Барселона" (Испани)
• "Брюгге" (Бельги) - "Лилль" (Франц) эсвэл "Астон Вилла" (Англи)
• "Реал" (Испани) - "Атлетико" (Испани) эсвэл "Байер" (Герман)
• ПСВ (Нидерланд) - "Арсенал" (Англи) эсвэл "Интер" (Итали)
• "Фейенорд" (Нидерланд) - "Интер" (Итали) эсвэл "Арсенал" (Англи)
• "Бавариа" (Герман) - "Байер" (Герман) эсвэл "Атлетико" (Испани)
• "Боруссиа" (Герман) - "Астон Вилла" (Англи) эсвэл "Лилль" (Франц)
• "Бенфика" (Португал) - "Барселона" (Испани) эсвэл "Ливерпүүл" (Англи)

Аваргуудын лигийн шөвгийн 16-ийн сугалаа хоёрдугаар сарын 21-ний баасан гарагт явагдана.

Эх сурвалж: РИА Новости/