Севилье дэх Христофор Колумбийн бунхан. Фото:atlasobscura.com
Севилийн сүмээс олдсон хүний яснууд нь далайчин Христофор Колумбийнх гэж ДНХ-ийн шинжилгээ тогтоолоо. Ийнхүү Севильед 20 жилийн явуулсан судалгаа шинжилгээний ажил төгслөө.
The Daily Mail (DM) сонинд өгүүлснээр Севилийн сүмээс олдслн хүний ясны ДНХ-ийн шинжилгээг Колумбийн үр удам хамаатан саднуудын ДНХ-тай харьцуулсан ажиллагааг хориод жил явуулжээ. Тухайлбал, далайчны хүү, дүү Диего нарын шарилын хэсгийн шинжилгээг явуулсан байв.
Шинжилгээний хариу нь тэдний хоорондын холбоог тогтоосон байв. Колумбийн шарилыг хэд хэдэн удаа ийш тийш нь шилжүүлж байсан ба зарим түүхчид түүнийг Доминикан улсад нутаглуулсан гэдэг.
Олон жилийн судалгааны ажлыг толгойлсон шүүхийн шинжээч эмч Мигель Лоренте ярихдаа, “өнөөдөр шинэ технологи гарч ирээд бүхнийг шүүн шалгах боломжийг өглөө. Севилье-ээс олдсон шарилын үлдэгдэл Кристофер Колумбийнх гэдэг нь нэг мөр тогтоогдлоо. Энд эргэлзэх зүйлгүй” гэж хэлжээ. Одоо далайчин хаанаас гаралтай, Генуяд төрсөн үү гэх асуудлыг батлах л эрдэмтэдэд үлдээд байна.
Христофор Колумб гэдэг итали гаралтай, испанийн далайчин 1492 онд европчуудад Шинэ ертөнцийг (Америкийг) нээн өгсөн юм. Колумб яг тодорхой мэдэгдэж байгаа аялагч нараас хамгийн түрүүнд Атлантын далайг бөмбөрцгийн хойд хэсгийн субтропик, тропикийн бүсээр гатлан европчуудаас хамгийн түрүүнд Саргассийн тэнгис ба Карибийн тэнгист оржээ. Тэрээр Өмнөд болон Төв нээж, тэр хавийг судлах боломжийг нээжээ.
