Олимпын таван цагригийг Парис хотын бэлэг тэмдэг болсон Эйфелийн цамхаг дээр цаашид байнга байрлуулах санаа Францын иргэдийн дунд маргаан дэгдээсэн юм. 29 метр урт, 15 метрийн өндөртэй сайжруулсан гангаар хийсэн олимпын бэлгэдлийг Сена мөрний зүг харуулжээ.
Зуны олимпын наадмын үеэр байрлуулсан цагригуудыг дараагийн олимпын наадам хүртэл буюу 2028 он хүртэл энэ хэвээр үлдээх санаачилгыг Парис хотын захирагч Анна Идальго гаргасан ч цамхгийг зохион бүтээсэн Густав Эйфелийн үр удам эсэргүүцсэн.
30 тонн жинтэй аварга цагригууд өвлийн цаг агаарт тэсвэртэй байдлаар хийгдээгүй тул буулгахад хүрсэн бололтой. Парис хотын захиргаа болон Олон Улсын Олимпын Хороо (ОУОХ)-ноос урт хугацаанд байрлуулах илүү хөнгөн цагариг бүтээхээр төлөвлөж байгаагаа зарлажээ.
Харин буулгасан цагригийг цамхгийн урд байх Иена гүүрэнд байрлуулахаар болсон байна.
