Нийслэлийн Замын хөгжлийн газраас авто замын засвар, шинэчлэлийн ажлын хүрээнд нийт 87 байршилд 162.3 км авто замыг шинэчлэхээр төлөвлөсөн.

Үүнээс 35 байршилд авто зам шинэчилжээ. Өнөөдрийн байдлаар гурван байршилд зам засварын ажил үргэлжилж байна. Тэгвэл өнөөдрөөс 11 байршилд зам хааж, засвар хийхээр төлөвлөжээ. Тодруулбал, 

-Энэ сарын 24-26-нд Офицеруудын ордны тойргоос Цайз захын уулзвар

-Энэ сарын 24-27-нд Долоон буудлын эцсээс Дамбадаржаагийн пост хүртэл

-Энэ сарын 24-29-нд Тэмээтэй хөшөөнөөс зүүн тийш И-Март дэлгүүрийн уулзвар хүртэл

-Энэ сарын 27-30-нд Чулуун овооны тойргоос Цагдаагийн академийн уулзвар хүртэл

-Энэ сарын 27-30-нд Нисэхийн тойргоос Нисэхийн хурдны зам хүртэлх хойноос урагш чиглэлийн баруун тал

-Энэ сарын 26-30-нд Циркийн уулзвараас Нарны гүүр хүртэл

-Энэ сарын 24-29-нд Яармагийн “Фүүд Сити”-гээс Бритиш сургуулийн автобусны буудал хүртэл

-Энэ сарын 27-30-нд Чингэлтэй дүүргийн VII хорооны уулзвараас Тасганы овоо хүртэл

-Энэ сарын 28-29-нд Баянзүрхийн хуучин гүүрнээс Налайхын автозам хүртэл

-Энэ сарын 29-30-нд Налайхын автозамаас “Скай ресорт”-ын  уулзвар хүртэл

-Энэ сарын 29-10.2-нд “Хоум Плаза”-гаас “Дүнжингарав” худалдааны төвийн уулзвар хүртэл тус тус засварын ажил хийх тул дээрх замуудыг сонгохгүй байхыг зөвлөлөө.

Дээрх замуудыг засварын ажил эхлэх өдрийн 22:00 цагаас хааж, дуусах өдрийн өглөө 06:00 цагт нээнэ. Дээр дурдсан өдрүүдэд нийт 11.4 км замыг шинэчлэх ажээ.