Украины Бородиянка хотын бөмбөгдөлтөнд өртсөн барилгын хананд шүршиж будсан ханын зургаа Артист Бански инстаграм хуудаснаа нийтэлжээ. Энэхүү гудамжны зураач Украинд нийт долоон шинэ уран бүтээл хийж дуусгасан байна.
Киевээс баруун хойд зүгт 35 милийн зайд оршдог Украины чөлөөлөгдсөн хотод түүнийх байж болзошгүй хэмээн сэжиглэгдсэн ханын зураг гарч ирсний дараа Бански энэ мэдээг The Art Newspaper-т баталсан байна. Мөн түүний бусад ажил нь нийслэл болон бүс нутгийн бусад хотод байрлаж байна.
Мөргөлдөөний эхний хэдэн долоо хоногт Оросын агаарын довтолгоонд онцгой өртсөн Бородианка бол Бэнсигийн гудамжны шинэ урлагийг баталгаажуулсан анхны газар байв.
Энэхүү ханын зурагт жаал хүү тулааны урлагаар нэгэн эрийг эргүүлж шидэж байгааг харуулжээ.
Бородиянка хот түрэмгийлэл эхэлсэн эхний өдрүүдэд Оросын агаарын довтолгоо, их бууны цохилтод маш их өртөж, алсын зайн довтолгооны улмаас олон барилга байшин овоолгын нуранги болон хувирчээ. Дайны өмнө 13000 хүн амьдардаг байсан ч ихэнх нь Орос түрэмгийлсний дараа дүрвэсэн. Хотоос үлдсэн хэсгийг Оросын цэргүүд эзэлсэн юм.
Дөрөвдүгээр сарын 1-нд тус хот Украины мэдэлд буцаж ирсэн бөгөөд буцаж ирсэн оршин суугчид байшинг нь дээрэмдэж, дэлгүүрүүдийнх нь цонхыг хагалж, эд зүйлсийг хулгайлсан байдалтай угтжээ. Тэр цагаас хойш сэргээн босголтын ажлын анхаарлын төвд байсаар ирсэн бөгөөд тулалдаанд учирсан хохирлын улмаас хэд хэдэн цамхаг нурсан байна.
Энэхүү цуврал нь өнгөрсөн зун болсон "Их Британийн граппит"-ээс хойш гарч ирсэн Бэнксигийн анхны урлагийн бүтээлүүд бөгөөд нууцлаг зураач Британийн эрэг орчмын хэд хэдэн хотын сайтууд дээр өөрийн поп урлагийн тайлбарыг үлдээсэн байдаг.
Өнгөрсөн жил артист Бански нийгэм, улс төрийн зорилгоор мөнгө цуглуулах, Их Британийн эрүүл мэндийн байгууллагуудад зориулж 23.1 сая доллараар үнэлэгдсэн дээд амжилт тогтоосон зураг дуудлага худалдаанд оруулах, хөшөөг унагасан хэргээр баривчлагдсан арьс өнгөөр ялгаварлан гадуурхах үзлийг эсэргүүцэгчдийг дэмжин футболк зарах зэрэгт хүчин чармайлтаа өгч байсан юм.
Ням гаригт Киевийн нэгэн оршин суугч Al Jazeera English сувагт өгсөн яриандаа "Энэ бол манай улсын хувьд түүхэн мөч бөгөөд Бэнси болон бусад алдартай хүмүүс энд ирж, Орос бидэнд юу хийснийг дэлхий дахинд харуулж байна" гэж хэлжээ.
Б.Бүжлхамаа
