Засгийн газрууд нь дэмжиж байгаа ч Европт цахилгааны үнэ тариф хамгийн дээд үзүүлэлтийг харуулж байна хэмээн Bloomberg бичжээ.
"Засгийн газрууд нь эрчим хүчний хямралаас хэрэглэгчдийг хамгаалахаар тэрбум тэрбумаар мөнгө гаргаж байгаа ч Европын өрхүүд хэзээ нэгэн цагт төлж байснаас илүү их мөнгийг цахилгаан, хийн төлбөрт өгч байна" гэж агентлагийн бичвэрт өгүүлжээ.
Эрчим хүчний консалтингийн Vaasa ETT Ltd агентлагийн тэмдэглэснээр, Их Британи, Европын холбооны хийн нэг киловатт цагийн жижиглэнгийн дундаж үнэ аравдугаар сард бараг 18 евроцент ($0,18) болсон нь өмнөх оны мөн үеийнхээс хоёр дахин их байна.
ЕХ-ны Засгийн газар эрчим хүчний үнийн эрс өсөлтөөс иргэд, аж ахуйн нэгжээ хамгаалахаар €550 тэрбумыг амласны дараа дээрх нэмэгдэл гарч ирэв.
"Хэрэв улс орнууд тийм дэмжлэг үзүүлээгүй бол өрхийн цахилгааны мөнгөний нэхэмжлэл хамаагүй их байх байсан" хэмээн Хельсингийн консалтингийн компанийн гүйцэтгэх захирал Филип Льюис хэлжээ.
Өмнө нь арваннэгдүгээр сарын 3-нд Европын орнууд Оросын эрчим хүчний эх үүсвэрээс татгалзаж байгаа нь дэлхийн зах зээлд нөлөөлөн ядуурлын өсөлтийг өргөж байна. Ногоон технологи нь Герман болон ЕХ-ны эрчим хүчний асуудлыг шийдэж чадахгүй гэж "Германы Альтернатив" намын депутат Штефан Койтер мэдэгдсэн байв.
Мөн тэр өдөр Их Британийн оршин суугчдын 60 хувь цахилгааны өндөр үнэ дахин 35 хувиар нэмэгдснээс болж халаалтаа хязгаарлаж байна гэсэн мэдээ цацагджээ.
М.ЦОГТ
