АНУ-ын Дээд шүүх өнгөрсөн зургадугаар сард Роу Вэйдийн эсрэг хэргийг хэрэгсэхгүй болгосноос хойш хэд хэдэн эмч үр хөндөлтийн талаар хэлэлцэхийг хязгаарлаж, цензурдаж байгаа гэж мэдэгджээ.

"Тэд биднийг цензурдаж байна. Эмэгтэйчүүдийн эрхийг дэмждэггүй байгууллагад ажиллах нь ичмээр бас нүүр улайм хэрэг юм" гэж нэг эмч CNN-д ярьжээ. Тэрээр "Би энэ талаар үйлчлүүлэгчтэйгээ ярьж, зөвлөж чадахгүй байгаадаа дургүй минь их хүрч байна" гэж хэлсэн юм.

Өөр муж улсын нэгэн эмч зр хөндөлтийн талаар “Би дөнгөлөгдсөн, бас хөшсөн юм шиг байна. Би бүрэн хязгаарлагдмал байгаа мэт санагдаж, энэ байдал намайг уурлуулж байна" гэжээ.

CNN-д ярилцлага өгсөн найман эмч ажил олгогчид нь хөндөлтийн талаар олон нийтэд ярихгүй байхыг хүссэн, эсвэл үр хөндөлтийн талаар олон нийтэд ярих юм бол хаана ажилладаг талаар дурдахгүй байхыг, зөвхөн хувийн иргэний хувиар л хэлэх тухай зааварласан гэжээ.

The New England Journal of Medicine сэтгүүлийн ерөнхий редактор, доктор Эрик Рубин хэлэхдээ, Эмч нар дуу хоолойгоо илэрхийлэх чадвартай байх ёстой, учир нь анагаах ухааны ертөнц, мэдээжийн хэрэг үр хөндөлт нь ташаа мэдээллээр дүүрэн байдаг. Бид сайн арга замыг олоогүй байна. Үүнийг эсэргүүцэхийн тулд бид дуугарах ёстой" гэсэн юм.

Тэрээр мөн "Би өөрөө эмч хүний ​​хувьд эмч нар өвчтөнүүдийнхээ эрүүл мэндийн талаар дуугарч чадахгүй байгааг сонсоход сэтгэл дундуур байдаг. Улс төрөөс эрүүл мэндийг ямагт урьтал болгох ёстой" гэжээ.

Б.Бүжлхамаа