Реппер, ая зохиогч, продюсер Lil Thug E буюу Г.Төгөлдөр хүнд өвчний улмаас таалал төгсчээ.
“Одоо”, “Хавар”, “Анзаарахгүй” зэрэг дуунуудаараа сонсогчдынхоо хайр хүндэтгэлийг хүлээсэн реппер, ая зохиогч, продюсер "Lil Thug E" нь цусны цочмог хорт хавдартай болох нь оношлогдож гадаад улсад эмчлүүлж байсан юм. Тэрбээр хүнд өвчинтэйгөө удаан хугацааны турш тэмцсэн ч харамсалтай нь тэнгэрийн оронд заларчээ.
Г.Төгөлдөр нь уран бүтээлийнхээ үг болон аяыг өөрөө гардан бүтээж, доторх ертөнцөө бүхэлд нь тольдон харуулсан хурц шийдэмгий үгс, сэтгэлийн гүнээс нь ундран гарах уран яруу шүлгээрээ сонсогч түмний зүрх сэтгэлд шууд хүрсээр ирсэн нь урлагийн ертөнцөд цоо шинэ өнгө төрхийг нэмсэн нэгэн байв. Мөн тэрээр олон арван хамтлаг дуучдын хит уран бүтээлийн аяыг бүтээн туурвиж, орчин цагийн хөгжмийн өнгө төрхийг 30 насандаа тодорхойлж явсан билээ.
Талийгаачийн гэр бүл, ах дүү, төрөл төрөгсөд, найз нөхдөд гүн эмгэнэл илэрхийлье.