Эцсийн эцэст хүн бүр хүсэл зоригийн тулалдаанд ялагдана. Ганц асуулт бол хэзээ вэ гэдэг л юм...
Хэдэн жилийн өмнө манай хоёр найз нэг зэрэг өөр өөрөөр хоол идэж эхэлсэн. Тэр хоёрын нэг нь хоолны дэглэм барьж, нөгөөх нь хоолны дэглэмийг хэтэрхий төвөгтэй гэж үзээд хаана ч байсан цэсэнд байх хамгийн эрүүл зүйлийг идэх дүрмийг бий болгосон.
Тэд хоёулаа ажил дээрээ гадуур ер нь маш их хоол иддэг байсан бөгөөд хоёулаа эрүүл сонголт хийх шаардлагатай нөхцөл байдалд орсон. Хоолны дэглэм барьдаг найз маань өөрийнхөө хүсэл, дуранд үе үе ялагдаж, тууштай биш байв. Хоолны дэглэмээ хэд хоног сайхан тууштай барина. Сайн өдрүүдийн араас муу өдрүүд ирнэ. Харин дүрэм дагагч нь ямар ч нөхцөлд алгоритмаа алдаагүй гүйцэтгэж байв. Өдөр хоногууд долоо хоног болж, долоо хоногууд дорхноо сар болох тусам тэдний зам хол зөрж байв. Хоолны дэглэм барьдаг хүн ямар ч ахиц дэвшил олж хараагүй бөгөөд дүрмийг дагаж мөрддөг хүн кг кг хаяв.
Дүрэм бол зохиомол орчинг бий болгох үр дүнтэй арга юм. Ингээд бодоод үзээрэй, та бүх насаараа дүрмийг дагаж мөрдөнө. Наад зах нь зам дээр гарахдаа заасан хурдны хязгаарыг дагаж мөрдөөрэй. Гарцаар гараарай, баруун гарын дүрмийг мөрдөөрэй. Хоосон хүслээр хий коридор руу битгий гүйгээрэй. Юу хийнэ гэж хэлсэн, тэр зүйлээ л хий. Хаана ч харсан, юу ч хийсэн дүрэм журам, дүрэм журам, дүрэм журам. Хэн ч бидэнд дүрмийг өөрт ашигтайгаар хэрхэн ашиглахыг заагаагүй.
Дүрмүүд зан төлөвийг бий болгоход маш хүчтэй нөлөөлдөг. Зан төлөв хувь тавиланг бий болгоно. Автомат дүрмүүд нь хамгийн сайн сонголтыг шууд сонгох боломжийг бий болгодог.
Төгсгөлд нь таниас нэг асуулт асууя. Та ирээдүйд юуг илүү сайн хийхийг хүсч байна вэ? Сайн унтаж, бага ууж, дасгал хөдөлгөөн хийж, олигтой сайн иддэг болох гэх мэт бараг бүх хүнд байдаг хүслүүдэд тохирох шидэт түлхүүр нь дүрэм журамтай болох.
А.Долгор
