Энэ оны эхээр Хятадад олон мянган хүн банкны дампууралд өртөж, хадгаламжийн дансаа бүхэлд нь хаалгасан байна. Тэд бүгд мөнгөө авч чадсангүй. Гэтэл Хятадын Засгийн газрын зүгээс хайхрамжгүй мэт хариу үйлдэл гаргаж буй нь олон нийтийн эрх баригч Коммунист намд итгэх итгэлийг шалгаж байна.
Цагдаагийнхан гэмт бүлэглэлийн мэдэлд байсан байж болзошгүй хөдөө орон нутгийн хэд хэдэн банк хадгаламжийн дансыг царцаасан нь илчлэгдсэний дараа албаныхан мөнгөө буцааж өгөх баталгаа өгөхөөс татгалзаж эхэлжээ. Мөн хадгаламж эзэмшигчдийн зарим нь залилангийн гэмт хэрэгт холбогдсон гэж Засгийн газар үзэж байна гэв.
Дуулианы хохирогчид энэ сард ихэнх банкууд байрладаг Хэнань мужид жагсаал хийхээр цугларах үед цагдаа нар зогсож байхад нь танхай хүмүүс дайрчээ. Үүний дараа олон жагсагчид цагдаа нар дарамталсан гэж мэдээлсэн байна.
600,000 доллар хадгаламжаа алдсан 26 настай бизнесмен Сун Сонг "Засгийн газар татвар төлөгчдийн мөнгийг аваад биднийг зоддог. Миний ертөнцийг үзэх үзэл сүйрсэн" гэв.
Хятадын улс төр: БНХАУ-ын удирдагч Ши Жиньпин намар болох улс төрийн томоохон уулзалтаар эрх мэдлээ улам чангатгах төлөвтэй байгаа тул Коммунист намд итгэх итгэлийг хадгалах нь онцгой чухал юм.
Б.Бүжлхамаа
