Ерөнхийлөгч Байден “АНУ Украин руу дахин нэг тэрбум долларын техник, зэвсэг илгээнэ” гэж мэдэгдлээ. НАТО-гийн бусад хэд хэдэн холбоотнууд сум, алсын тусгалын пуужингийн систем, нисдэг тэрэг зэрэг нэмэлт цэргийн тусламж үзүүлэхээ мөн амласан байна.

Байден мэдэгдэлдээ "Украины ард түмний эр зориг, тэсвэр хатуужил, шийдэмгий байдал дэлхий дахинд урам зориг өгсөөр байна" хэмээгээд "АНУ холбоотнууд болон түншүүдийнхээ хамтаар Украины ард түмний эрх чөлөөнийхөө төлөө тэмцэж буй тэмцэлд өгөх амлалтаасаасаа буцахгүй" гэлээ. 

Ерөнхийлөгч Владимир Зеленский болон Украины бусад удирдагчид Донбассын зүүн бүс дэх тулалдаанд Оросын зарим давуу талыг сөрөн зогсохын тулд өргөн хүрээний зэвсэг хэрэгтэйг онцлон тэмдэглэж, илүү хүнд зэвсэг өгөхийг улам шавдуулан гуйсны дараа тус мэдэгдэл гарлаа.  

Оросын дайралтанд өртөж буй зүүн хэсгийн Сиеверодонецк хотод энгийн иргэд болон дайчид химийн үйлдвэрийн цогцолбор дор хоргодож байгаа нь Мариуполийн бүслэлтийн гашуун цуурай юм.

Дайн нь Румын зэрэг орнуудад цөмийн эрчим хүч, байгалийн хийн салбарт ахиц дэвшил авчрах болно. Европын Холбоо сүүлийн үед Египет, Израилиас түлхүү байгалийн хий импортлохыг эрмэлзэж байна. Хэдийгээр хориг арга хэмжээ авсан ч Орос худалдан авагчдыг олсоор байгаа тул Москвагийн газрын тосны гарц тавдугаар сард өссөн байна.

БНХАУ-ын хувьд Ши Жиньпин Ерөнхийлөгч Владимир Путинтэй утсаар ярихдаа, Оростой хамтын ажиллагаагаа гүнзгийрүүлэх санал тавьсан байна. 

Өнгөрсөн долоо хоногт Хятад, Орос улс орнуудыг холбосон гүүрийг нээлээ гэж The Global Times мэдээлэв.

Б.Бүжлхамаа

www.nytimes.com