Өмнөд Ази бол дэлхийн хамгийн эмзэг сая сая хүмүүсийн гэр юм. Цаг агаарын эрс тэс байдал улам бүр хэвийн үзэгдэл болж, ядуурал, хүнсний аюулгүй байдал, эрүүл мэндийн тулгамдсан асуудлуудыг шийдвэрлэхэд улам хэцүү болж байна. Мөн уур амьсгалын өөрчлөлт тэдний хүнд амьдралыг улам хүндрүүлж байна.

Пакистан улс асар их ойн түймэртэй тэмцэж байна. Харин Бангладеш улсад борооны өмнөх үерээр олон сая хүн хүнд байдалд оржээ. Балбын албаныхан ундны усны хомсдолд орсон Гималайн тосгоныг урсахаас өмнө хагарч буй мөсөн гол нууруудыг шавхах гэж оролдож байна.

Мөн тус бүс нутгийн хамгийн том үр тариа нийлүүлэгч Энэтхэгт тариаланчид улирлын бус аадар бороо, энэ бороотой адилтгах хэмжээний улирлын бус халуунтай нүүр тулж байгаа. Цаг агаар тариаланчдыг сүйрүүлж, тэдний ихэнх нь асар их өрөнд баригдаж, амиа хорлож үхэх нь улам бүр нэмэгдсээр байна. 

Энэхүү цаг уурын асуудал үндэсний болон дэлхийн хүнсний аюулгүй байдалд заналхийлж байна.

Энэтхэгийн улаан буудайн ургац энэ онд хамгийн багадаа 3.5 хувиар буурсан аж. Энэтхэгийн уламжлалт улаан буудайн сагс болох Пунжаб мужийн зарим дүүрэгт энэ тоо 30 хувиар буурчээ. Гуравдугаар сар Энэтхэг, Пакистанд 122 жилийн дээд амжилт тогтоосон хамгийн халуун сар байсан бол хур тунадас нормоос 60-70 хувиар бага байсан гэж эрдэмтэд мэдэгдэв.

Шинэ судалгаагаар Нью Дели хотын агаарын бохирдол дундаж наслалтыг бараг 10 жилээр бууруулсныг тогтоосон гэж Al Jazeera мэдээлэв. Судлаачид хэт халалт нь хүмүүсийг өвчлүүлж, үхэлд хүргэдэг гэж мэдээлжээ.

Б.Бүжлхамаа

www.nytimes.com