Хятадын хамгийн том, хамгийн баян хот болох Шанхайд омикрон хувилбарын өсөлтийг зогсоохын тулд шаталсан хөл хорио тавьж эхэллээ. Албаны хүмүүс зөвхөн тодорхой барилга байгууламж эсвэл хорооллыг тусгаарлахыг оролдсон боловч энэ нь хангалтгүй байна.
Шаталсан хөл хорионы хүрээнд ач холбогдолгүйгээр бизнесүүдийг хааж, нийтийн тээврийг зогсоож, олон хүнийг гэртээ байхыг шаардав. Шанхай хотын зүүн хэсэгт тав хоногийн хорио цээрийн дэглэм тогтоосны дараа баруун хэсэгт ижил төстэй хориг тавих аж. Хөл хорионы үеэр зорьж буй хамгийн чухал зүйл бол олон нийтийн масс илрүүлгэ шинжилгээ юм.
Гэхдээ тэвчээр барагдаж, хэрэв бүх Хятад дахин "тэг ковид" горимд орвол Шанхай нүүрсний уурхайн канар болж магадгүй байна. Хөл хорио, хязгаарлалтад ард иргэд бухимдалтай байгаад зогсохгүй, засгийн газрын эдгээр арга хэмжээ ямар ч үр дүнгүй байна гэж эсэргүүцэж байна.
Дэлхийн бусад хэсэгт ковидтой холбоотой мэдээллүүд:
-
Лондонгийн цагдаа нар хөл хорионы үеэр Даунинг стрит 10 дахь үдэшлэгт оролцсон 20 хүнийг торгосон боловч Ерөнхий сайд Борис Жонсоныг зүгээр орхижээ.
-
АНУ-ын Хүнс болон эмийн холбооноос 50 ба түүнээс дээш насны болон зарим дархлаа султай хүмүүст хоёр дахь удаагаа нэмэгдэл вакцин хийхийг зөвшөөрөв.
-
Байгууллагуудын аялалын зардал тахлын өмнөх үеийн ижил зардлын гуравны нэгтэй тэнцүү байна. Мэргэжилтнүүдийн үзэж байгаагаар энэ тоо хэзээ ч эргэж тахлын өмнөх үеийнх рүү очихгүй гэв.
-
АНУ-д өдөр бүр 800 гаруй коронавирусийн нас баралт бүртгэгдэж байгаа нь өнгөрсөн зунаас хойших хамгийн бага тоо болж байна.
Б.Бүжлхамаа
www.nytimes.com
