Дайныг урьдчилан таамаглах аргагүй болох тусам Орос тактикаа өөрчилж байна. Москва бүх Украиныг эзлэхийн оронд зүүн болон өмнөд хэсэгт газар нутгийг нэгтгэх замаар тус улсыг хуваахыг оролдож магадгүй байна.

Баасан гаригт давшилт нь зогсонги байдалд орсон тул Орос зорилгоо дахин тохируулж болзошгүйг мэдээлжээ. Тэд үйл ажиллагааныхаа "эхний үе шат" нь бараг л гүйцэтгэгдсэн гэж мэдэгдээд, Оросын дэмжлэгтэй салан тусгаарлагчид олон жилийн турш тулалдсан Украины зүүн хэсгийн Донбасс бүсийг аюулгүй байдлыг хангахад чиглэнэ гэсэн юм. 

Ням гаригт Украин Оросын цэргүүд Беларусийн нутаг дэвсгэрт дахин цуглахын тулд Чернобылийн станцаар дамжин гарч байгаа гэж мэдэгджээ. Энэ үеэр цэргүүд Киев орчмын хотуудыг онилж, Чернигов хот болон олон мянган энгийн иргэдийг бүсэлсэн байна.  

Украины арми Киевийн захын дүүрэгт сөрөг довтолгоо хийж, Оросуудын нийслэл рүү чиглэсэн замыг хаажээ. Украин мөн Оросын арми Харьковыг бүслэхээс сэргийлж, цэргүүд нь захын хоёр тосгоныг эргүүлэн авсан гэж ням гаригт мэдэгдэв.

Б.Бүжлхамаа

www.nytimes.com