Укрианы Мариуполь хотын дарга Вадим Бойченко "ВВС" агентлагт халдлага хотын төвд хүрсэн гэж Орос улсын мэдээлж байсанг баталлаа.
Ерөнхийлөгч Зеленский "Оросын халдлага хүмүүнлэгийн коридорыг үр дүнтэйгээр байгуулахад саад болж байна" гэв.
Мөн стратегийн өмнөд хэсэгт орших Николайев хотод орос цэргийн хуаран руу дайрсны улмаас олон арван хүн амиа алдсан гэж Украины парламентын гишүүн мэдэгдэв.
Үүнээс гадна Владимир Путин Крымийг өөртөө нэгтгэсний найман жилийн ойн арга хэмжээний үеэр хэдэн арван мянган оросуудад хандан үг хэлсэн байна.
Энэ өдөр болсон онцлох үйл явдлуудын нэг нь АНУ-ын засгийн газар Оростой холбоотой 100 шахам онгоцыг бодитойгоор зогсоосон байна. Мөн худалдааны яамнаас баасан гаригт гаргасан жагсаалтад АНУ-ын ОХУ-д тавьсан хориг арга хэмжээг зөрчиж буй арилжааны болон хувийн онгоцуудыг илрүүлэв.
Тус жагсаалтад Аэрофлот зэрэг Оросын агаарын тээврийн компаниудын онгоцууд багтсан байна.
Ихэнх нь Боинг онгоцууд байгаа бөгөөд Челси хөлбөмбөгийн клубын одоогийн эзэн Роман Абрамовичийн эзэмшдэг Gulfstream хувийн онгоц хүртэл багтжээ.
Эдгээр онгоцыг дэлхийн хаана ч, тэр дундаа ОХУ-ын нутаг дэвсгэрт үйлчилгээ үзүүлбэл их хэмжээний торгууль ногдуулж, шоронд хоригдох магадлалтай гэж тус улсын засаг захиргаа үзэж байна.
Б.Бүжлхамаа
www.bbc.com
