Бээжингийн технологийн салбарыг дарангуйлах ажиллагаа бизнес эрхлэгчдийг устгаж, коллеж төгсөгчдийн анхаарлыг татсан ажлын байрыг хааж байна гэж Таймс сонины тоймч Ли Юан бичжээ.

Хятадын Netflix болохыг эрмэлзэж байсан iQiyi гэх видео платформ зэрэг компаниуд өндөр боловсролтой залуу ажилчдаа халж байна. Зарим нь бүр хаагдахаас өөр аргагүйд хүрсэн байна. Зохицуулагчид компаниудын үйл ажиллагааг цэвэрлэхийг хичээж байна гэж хэлж байгаа ч зохицуулалтын арга хэмжээ хэт алсарсан гэж олон хүн хэлж байна. Томоохон корпорациудад монополийн эсрэг торгууль ногдуулсан бөгөөд хэвлэл мэдээллийн хэрэгсэл, зугаа цэнгэлийн платформууд агуулга нь үзэл суртлын хувьд тохиромжгүй гэж засгийн газраас удаа дараа анхааруулахаас болгоомжилж, алдартай контент, нөлөөлөгчдийг эргүүлж татаж байна.

Өнгөрсөн оны гуравдугаар улиралд Хятадын хамгийн том интернет компани болох Tencent 2004 онд олон нийтэд нээлттэй болсноос хойш хамгийн бага буюу удаан орлогын өсөлтөө үзүүлжээ. Мөн цахим худалдааны аварга Алибабагийн ашиг өмнөх оны мөн үеэс 38 хувиар буурсан байна. 

Нэгэн цагт тус улсын хамгийн үнэ цэнэтэй гарааны бизнес байсан Диди 2021 оны эхний есөн сард 6.3 тэрбум долларын үйл ажиллагааны алдагдал хүлээжээ.

Б.Бүжлхамаа

www.nytimes.com