Омикрон хувилбараас үүдэлтэй Их Британид коронавирусийн тохиолдол дээд амжилт тогтоосон нь Францыг удахгүй ижил хувь тавилантай тулгарах вий гэсэн болгоомжлолыг төрүүлж байна. Францын засгийн газар өнгөрсөн пүрэв гаригт Их Британи руу болон Их Британид шаардлагагүй бол зорчихыг хориглож, шинжилгээний шаардлагыг чангатгалаа.
Францын Ерөнхий сайд Жан Кастекс хэлэхдээ, "Омикрон хувилбар Их Британид маш хурдацтай тархаж байгаа тул засгийн газар арга хэмжээ авахаар шийдсэн" гэжээ. Өнгөрсөн бямба гариагаас эхлэн зөвхөн "яаралтай" шалтгаантай хүмүүс зорчиж эхэлжээ.
Франц улс аль хэдийн дөрвөн долоо хоногийн турш шөнийн цэнгээний газруудыг хааж, сургуулиудын зарим дүрмийг чангатгаад байгаа. Харин Ерөнхийлөгч Эммануэль Макрон нэмэлт хөл хорио тавихыг үгүйсгэж байгаа юм.
Тоон дүнгээр Их Британид зөвхөн баасан гаригт 88,376 шинэ тохиолдол бүртгэгдсэн нь өдөр тутмын хоёр дахь дараалсан дээд амжилт юм. Английн ахлах эмч ойрын өдрүүдэд шинэ дээд амжилтуудыг эвдэх магадлалтайг анхааруулжээ. Зарим бүс нутагт омикрон тохиолдлын тоо хоёр өдөр тутамд хоёр дахин хурдан өсөж байна.
Дельта хувилбартай холбоотой тохиолдлууд нэмэгдэж байгаа нь вирусын халдвар авсан бараг хоёр жилийн дараа орон тооны хомсдолтой, ачаалал ихтэй байгаа Францын эмнэлгийн системд дарамт учруулж байгаа юм. Эрчимт эмчилгээний ор Зургаадугаар сараас хойшхи хамгийн дээд хэмжээндээ дүүрчээ.
Харин далайн нөгөө эрэгт буюу Канад улс оршин суугчиддаа бүх шаардлагагүй гадаад аяллыг цуцлахыг анхааруулсан бөгөөд харин хориг тавихаа больжээ.
Б.Бүжлхамаа
www.nytimes.com
