Усархаг бороо, үерийн усны улмаас Баянзүрх дүүргийн 27 дугаар хорооны нутаг дэвсгэр Дарь-Эхийн дунд буудлын орчмын авто зам дагуу булаг шандын ус урсаж, 500 орчим метр авто замд эвдрэл үүсгэн зорчих хөдөлгөөнд хүндрэл учруулаад байгаа билээ. Үерийн улмаас эвдрэл үүссэн авто замуудыг шинэчлэх хөрөнгө санхүүжилтийг нийслэлийн нөөц хөрөнгөнөөс гаргахаар шийдсэнээр Дарь-Эхийн авто замыг засварлах ажил эхлээд байгаа.
Засварын ажилтай холбогдуулан Дарь-Эхийн авто замаас Ганц худаг чиглэлийн 1.1 км авто замыг 2018 оны наймдугаар сарын 17-ны 23:00 цагаас наймдугаар сарын 26-ны 06:00 цаг хүртэл тээврийн хэрэгслийн хөдөлгөөнийг түр хязгаарлахаар болжээ.
Тус замын 500 метр хэсгийн зорчих хэсэгт хучилтын ажил хийгдэхээр болсон байна.
