Эмэгтэйчүүд иргэний нисэх гэх мэт уламжлал ёсоор эрэгтэйчүүд давамгайлдаг мэргэжлүүдийг эзэмшихийг оролдож байгаа боловч тус сургуулиуд тэдэнд олон олон даваа нугачааг бэлддэг ажээ. 

Хятад даяар эмэгтэйчүүдийн боловсролын түвшин өссөн.

Өнөөгийн байдлаар бакалаврын эмэгтэй оюутнууд эрэгтэйчүүдээс эрс их хэдий ч эмэгтэйчүүд сургалт, эрдэм шинжилгээний хөтөлбөрт хамрагдахад саад бэрхшээлтэй тулгарсаар байна. Зарим хөтөлбөрүүд зөвхөн эрэгтэйчүүдийг хүлээн авдаг эсвэл эмэгтэй өргөдөл гаргагчийн тоог хязгаарладаг бөгөөд эмэгтэйчүүд ихэвчлэн эрэгтэйчүүдээс илүү олон шалгалт өгөх шаардлагатай болдог байна.

Хятадад өсөн нэмэгдэж буй феминизм нь Коммунист намын нийгэмд хяналт тавих кампанит ажилтай зөрчилдөж байгаа юм. Мөн идэвхтнүүд жендэрийн үзэл баримтлалыг бий болгоход онлайнаар цензурд өртдөг хэвээр л байна.

Цагдаагийн академийн шалгалтанд нэг жил суралцсан Винси Ли "Тэд яагаад бидэнд ийм акедемик боломжийг санал болгодоггүйг би ойлгохгүй байна" гэсэн юм. Тус сургуульд өргөдөл гаргасан эмэгтэйчүүдийн дөнгөж 4 хувь нь элссэн бөгөөд тэд эрэгтэй өргөдөл гаргагчдаас хамаагүй илүү оноотой байх ёстой байдаг аж.

Иргэний нисэхтэй холбоотой сургалтын хөтөлбөрүүдэд онгоцны үйлчлэгчийн сургалтаас бусад тохиолдолд зөвхөн эрэгтэй өргөдөл гаргагчдыг хүлээн авдаг. Цэргийн болон цагдаагийн сургалтын академи жендэрийн квотыг нийтэд ил тогтоодог. Зарим урлагийн сургуулиуд өсөн нэмэгдэж буй эмэгтэй оюутнуудын эзлэх хувийг бууруулахын тулд хүйсийн харьцааг 50/50 гэж тогтоосон байдаг ажээ.

Б.Бүжлхамаа

www.nytimes.com