Хятадад цахилгаан эрчим хүчний хомсдол аж үйлдвэрүүдэд нөлөөлж байна. Эрх баригчид утааг бууруулах талаар өмнө нь амлаж байсан ч үүсээд буй нөхцөл байдлаас үүдээд нүүрс олборлож, түүнийгээ түлхүү түлэхээр яарч байгаагаа лхагва гаригт зарлав.
Тэд зөвшөөрөлгүй хаагдсан уурхай, засвар хийх зорилгоор хаагдсан уурхай, нүүрсээр ажилладаг цахилгаан станцуудыг дахин нээхийг тушаажээ. Мөн орон нутгийн засаг захиргаанд эрчим хүчний хэрэглээний хязгаарлалтын талаар болгоомжтой байхыг анхааруулав.
Энэхүү хомсдол нь стратегийн сул талыг харуулж байна. Хятад бол аймшигтай эрчим хүчний гахай бөгөөд дэлхийн хамгийн том хүлэмжийн хий ялгаруулагч юм. Түүнчлэн Бээжин эдийн засгийн хүчтэй өсөлтийг хангаж чадах эсэх нь эргэлзээ төрүүлэв.
Хятад улс ган, цемент, химийн бодис зэрэг эрчим хүчний хомсдолтой үйлдвэрүүдийн үр ашиггүй байдлаас хамааралтай боловч тогтвортой байдлын асуудалд 2016 онд нүүрсний шинэ хөрөнгө оруулалтыг бараг зогсоосон. Цар тахал буурах тусам эрчим хүчний эрэлт нэмэгдэж байгаатай холбогдуулан үнэ огцом өссөн байна. Цахилгаан станцууд их хэмжээгээр мөнгө алдаж байсан тул бага хүчин чадлаараа ажиллажээ.
Өвлийн халаалтын улирал тус улсын зүүн хойд хэсэгт баасан гаригт албан ёсоор эхэлнэ. Дашрамд, Хятадын хамгийн том мужууд ердөө 9-14 хоногийн нүүрсний нөөцтэй байгаа аж.
Б.Бүжлхамаа
www.nytimes.com
