Хятадад сүүлийн өдрүүдэд цахилгаан тасалдаж, Хятад даяар үйлдвэрүүд удааширч, зарим үйлдвэр хэсэг зогсолт хийсэн нь тус улсын эдийн засагт нөлөөлж, дэлхийн нийлүүлэлтийн сүлжээнд хүндрэл учруулж байна.

Энэхүү тасалдал нь хүн амын ихэнх хэсэг нь ажиллаж, амьдардаг зүүн Хятадын ихэнх хэсгийг хамарчээ. Хотын захиргаа насосны станцуудыг хаасан бол барилгын менежерүүд цахилгаан шатыг унтраасан байна.

Өнгөрсөн жилтэй харьцуулахад энэ онд Хятадад цахилгаан эрчим хүчний хэрэгцээ жил бүрийн ердийнхөөс бараг хоёр дахин өссөн. Энэхүү өсөлт нь Хятадын үйлдвэрүүдийн үйлдвэрлэдэг ухаалаг гар утас, цахилгаан хэрэгсэл, дасгалын тоног төхөөрөмж болон бусад бараа бүтээгдэхүүний захиалгын өсөлтөөс үүдэлтэй юм.

Мөн олон тонн цахилгаан утас, ялангуяа хөнгөн цагаан, ган, цемент үйлдвэрлэдэг Хятадын экспортын үйлдвэрүүдийн эрэлт ихээхэн нэмэгдсэн. Улмаар цахилгаан эрчим хүч үйлдвэрлэх нүүрсний үнэ өссөн. Гэхдээ зохицуулагчид хэрэглээний үнийг доогуур байлгахыг хичээдэг бөгөөд нийтийн аж ахуйн нэгжүүд зардлаа нөхөж чаддаггүй тул цагийг багасгах эсвэл унтраахад хүрдэг аж.

Б.Бүжлхамаа

www.nytimes.com