БНХАУ-ын дарга Ши Зиньпины Коммунист нам баялаг бүтээгчид, бизнес эрхлэгчдийг нэгэн жигд байлгаж, ард иргэдийн хоорондох баян ядуугийн ялгааг арилгаж, дундаж давхаргыг өргөжүүлэхэд туслах "нийтлэг хөгжил цэцэглэлтийн" стратеги хэрэгжүүлэхээр төлөвлөж байгаагаа мэдэгдэв.

Ши болон түүний холбоотнууд Хятад улс одоо баялаг хуваалцах үзэл баримтлалдаа ойртох хангалттай баян болсон гэж үзэж байна. 

Намын албан тушаалтнууд сургууль, орон сууц, эрүүл мэндийн үйлчилгээгээ том хотоос гадуур зардал багатай, жигд болгох, ажилчдын цалинг нэмэгдүүлэх амлалт өгчээ.

Засгийн газрын монополийн эсрэг тэмцлийн гашуун зовлонг мэдэрсэн Хятадын томоохон компаниуд ч мөн амлалт өгсөн байна. Жак Ма-гийн үүсгэн байгуулсан цахим худалдааны Алибаба компани нь тус улсын хамгийн том интернет компани болох Tencent-тэй адил нийтлэг хөгжил цэцэглэлтийн төслүүдэд 15.5 тэрбум долларын хөрөнгө оруулалт хийх аж.

2000 онд тус улсын нийт баялгийн 21 хувийг эзэмшдэг байсан 1 хувь нь одоо нийт баялгийн 31 хувийг эзэлдэг болжээ. Энэ нь Хятадад хорин жилийн турш баян байгаа цөөн тооны хүмүүс нь улам баян болсон гэсэн үг юм. 

Ирэх оноос эхлэн гурав дахь удаагаа сонгогдох үндэс сууриа тавьж байгаа Ши Жиньпин одоохондоо бага зэрэг эсэргүүцэлтэй тулгарч байгаа ч эдийн засгийн гомдол тасрахгүй бол энэ нь өөрчлөгдөж магадгүй юм.

Б.Бүжлхамаа

www.nytimes.com