Талибанчууд АНУ-ыг гарсны дараа Афганистанд исламын шинэ засгийн газар байгуулахаар бэлтгэж байна. 

Талибаны шашны тэргүүн Шейх Хайбатулла Ахундзада тус улсын дээд удирдагч болно гэж Талибаны албаны хүн мэдэгдлээ.

Шейх Хайбатулла нь Исламын шинэ засгийн газрын дээд эрх мэдэл байх бөгөөд Ираны дээд удирдагчийн үүрэгтэй адил үүрэг гүйцэтгэх аж. Талибан хөдөлгөөнийг үүсгэн байгуулагч Мулла Абдул Гани Барадар засгийн газрын тэргүүний хувиар өдөр тутмын ажлыг хариуцах ёстой байсан. Томилгооны талаар өнөөдөр мэдээллэх аж. 

Шинэ засгийн газар хүмүүнлэгийн болон эдийн засгийн хямрал нэмэгдэх зэрэг асар том сорилттой тулгарах болно. АНУ болон олон улсын зээлдүүлэгчдийн санхүүжилт тасарч, гадаадын засгийн газрууд Талибан бүлэглэлийг хүлээн зөвшөөрөх эсэх талаар маргаан өрнүүлэхийн хэрээр бэлэн мөнгөний дутагдалд орох нь.

Энэ зуур Талибанаас зугтах хүсэлтэй афганчуудын хувьд сонголт цөөн байна. Харин Пакистан цаашид дүрвэгсдийг хүлээж авахгүй гэдгээ мэдэгджээ.

АНУ-ын цэргийг гаргахаас өмнө Кабулын захад байх Тагнуулын төв газраас ашигладаг нууц, өндөр хамгаалалттай зарим хэсэг нууцаар нүүлгэн шилжүүлэх төв болсон гэж Таймс мөрдөн байцаалтаар тогтоожээ.

Үүнтэй холбоотой ОХУ-ын Ерөнхийлөгч Владимир Путин хэлэхдээ, АНУ-ын цэрэг хорин жилийн турш тус улсад оролцсон нь "тэг" үр дүн авчирсан гэжээ. Харин Пап лам Францис, Афганистан дахь өрнөдийн интервенцийг шүүмжилж, энэ нь үндэстэн байгуулалтын алдаа дутагдлыг харуулсан гэв.

Б.Бүжлхамаа

www.nytimes.com