Дотоодын үзэгчдийг энэ зун Токио хотод болох олимпийн арга хэмжээнд оролцохыг зөвшөөрнө гэж Наадмын ерөнхийлөгч даваа гаригт зарлаж, тамирчдыг хөгжөөн дэмжигч, үзэгчидтэй байх эсэх тухай олон сарын таамаглалыг эцэслэв.

Японд вирусын тохиолдол буурч, вакцинжуулалтын хэмжээ огцом өсч байгаатай холбогдуулан энэхүү мэдэгдэл гаргажээ. Одоо тус улс өдөр бүр нэг сая орчим тун вакцин тарьж байна. Тодруулбал, хүн амын 18 орчим хувь нь эхний тунг авсан бөгөөд 7.3 хувь нь бүрэн вакцин хийлгэсэн байна.

Олон улсын Олимпийн хорооноос цугларсан хүмүүсийн байрлах байрны хүчин чадлын 50 хувь хүртэл буюу 10,000 хүн хүлээн авахыг зөвшөөрөв. Гэсэн хэдий ч цар тахлын нөхцөл байдал хүндэрвэл эсвэл Японы засгийн газраас яаралтай арга хэмжээ зарлавал наадмыг үзэгчидгүйгээр зохион байгуулах аж.

Хөгжөөн дэмжигчдэд маск зүүсэн байх шаардлага тавих бөгөөд хашгирахыг зөвшөөрөхгүй аж.

Сануулахад, гуравдугаар сард хилийн чанад дахь үзэгчдийг ирэхийг нь хориглосон байсан юм. 

Дэлхийн бусад хэсэгт ковидтой холбоотой:

• Хятад улс АНУ-ыг Тайваньд 2.5 сая вакцины тунгаар тээвэрлэж байгааг буруушааж, дотоод асуудалтай хутгалдсан гэж буруутгав.

• Афганистан улсад тохиолдлууд ихсэхийн хэрээр хүчилтөрөгчийн хангамж багасч байгаа.

• Индонезид тус улсад тохиолдох тохиолдол нэмэгдэж байгаатай холбогдуулан коронавирусийн шинэ хязгаарлалтыг нэвтрүүлэхээр болжээ.

Б.Бүжлхамаа

www,nytimes.com