Сэлэнгэ мөрний эрэгт нутаглаж байсан айл усанд автсан байсныг нүүлгэжээ.
Тодруулбал, Хөвсгөл аймгийн Тариалан сумын нутагт аймгийн төвөөс зүүн зүгт 170 км-т, сумын төвөөс урд зүгт 23 км-т орших Сэлэнгэ гол гэдэг газар Сэлэнгэ мөрний арал дээр иргэн Э-гийн гэр усанд автах гэж байна гэсэн дуудлагыг Тавдугаар сарын 4-ний өдрийн 20:34 цагт өгчээ.
Дуудлагын дагуу аймгийн Онцгой байдлын газрын Эрэн хайх, аврах салбар, Тариалан сум дахь Гал түймэр унтраах, аврах 46 дугаар ангийн алба хаагчид, сумын Засаг даргын Тамгын газрын ажилтнууд 170 км зам туулан Тавдугаар сарын 5-ны 01.32 цагт очсон байна.
Тавдугаар сарын 5-ны өдрийн 06:00 цагаас тус сумын харьяат 41 настай иргэн Э, 38 настай иргэн Т, таван настай иргэн Б нар гэртэйгээ Тариалан сумын Сэлэнгэ багийн Улаан шугуй гэдэг газарт усанд автсаныг зургаан цаг гаруй хугацаанд ажиллан Сэлэнгэ багийн “Чойнжуур” гэдэг газар нүүлгэн шилжүүлж аюулгүй болгожээ.
