МҮОХ-ны ерөнхийлөгч, Олимпын аварга Н.Түвшинбаярыг бусдын эрүүл мэндэд хүнд хохирол учруулсан үндэслэлээр Дөрөвдүгээр сарын 3-ны өдөр Хан-Уул дүүргийн Цагдаагийн Нэгдүгээр хэлтэст шалгаж эхэлсэн билээ. Улмаар түүнийг нэг сарын хугацаанд цагдан хорих шийдвэр гаргасан. 

Тэгвэл түүнийг үргэлжлүүлэн 15 хоног цагдан хорих шийдвэрийг Хан-Уул дүүргийн Эрүүгийн хэргийн анхан шатны шүүхээс гаргажээ. 

Олимпын аварга Н.Түвшинбаяр өөрийн багийн найз, бэлтгэл хангагч хийж байсан Улсын өсөх идэр начин Э.Энхбатын биед хүнд гэмтэл учруулсан юм. Хохирогч Э.Энхбатын биеийн байдал сайнгүй хэвээр, одоогоор ухаан ороогүй байгаа гэсэн мэдээлэл байна. Түүнийг БНСУ-д эмчлүүлж байгаа билээ.