Хотын дарга Д.Сумъяабазар иргэдээс хамгийн их ирж буй санал шүүмжлэлтэй холбоотой асуудалд хариулт өглөө.
Хотын дарга Д.Сумъяабазар "Засгийн газраас цаашид халдварын талаарх мэдээллийг олон нийтэд хүргэхээр болсон тул өглөө ЭМЯ халдварын талаарх мэдээллээ хүргүүлнэ. НЭМГ бас 9:00 цаг гэхэд хаанаас шинжилгээ авах вэ гэх бүх мэдээллээ өгсөн байх ёстой" гэлээ.
Мөн тэрээр энэ сарын 16-наас эхлээд 49 жижиг, том зах худалдааны төвүүдийг нээхээр байгаа. Үүнтэй холбогдох ажлыг мэргэжлийн хяналтын газраас хариуцан халдвар хамгааллын дэглэмээ барин ажиллахад анхаарахыг холбогдох албаны удирдлагад хэлж, үүрэг болгов.
Нийслэлийн Эрүүл мэндийн газрын дарга Б.Бямбадорж "Call center-т ирж буй дуудлагын ихэнх нь танин мэдэхүйн чанартай буюу “Нэг хаалга-нэг шинжилгээ” аяны хүрээнд шинжилгээ авч буй газруудын байршлыг асуух зэрэг дуудлага ирж байгаа учраас нэг бүрчлэн шалгаж хяналт хийхэд гомдол гараагүй" гэлээ.
Хоёрдугаар сарын 15-наас 597 жижиг хүнсний үйлдвэр хуваарийн дагуу зохион байгуулалттай ажиллаж эхэлнэ.
