Монголбанкнаас 300 сая төгрөгийн үнэтэй фитнесс төхөөрөмж авах тендер зарласан мэдээлэл олон нийтийн сүлжээнд тараад буй. Тодруулбал, тус банкнаас 2020 оны Хоёрдугаар сарын 01-ний өдөр 300 сая төгрөгийн үнэтэй фитнесс өхөөрөмж авах тендер зарласан байсан юм.

Тэгвэл уг тендерийг цуцалсан талаараа өнөөдөр мэдэгдэл гаргажээ.

Мэдэгдлийг хүргэж байна.

МЭДЭГДЭЛ

Өнгөрсөн онд буюу 2020 онд Монголбанкны захирлуудын зөвлөлөөс Монголбанкны нийт ажилтнуудын эрүүл мэнд, нийгмийн асуудлыг шийдвэрлэх хүрээнд бялдаржуулах танхимыг тохижуулах, энэ хүрээнд шаардлагатай тоног төхөөрөмжийг худалдан авах хөрөнгийг 2021 оны төсөв, худалдан авах ажиллагааны төлөвлөгөөндөө тусгасан. 

Ингэхдээ Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуулийн хүрээнд, зохих шаардлагын дагуу нээлттэй тендерийг зарласан ч цаг үеийн нөхцөл байдал, нийгмийн сэтгэл зүй бухимдалтай байгаа энэ цаг үед зохимжгүй гэж үзэж, уг тендерийг цуцалсан болно. Уг тендерийн зориулалт, худалдан авах тоног төхөөрөмж нь Монголбанкны нийт ажилтан, албан хаагчдад зориулагдсан байсан гэдгийг үүгээр мэдэгдье. 

Монголбанкны Хэвлэлийн төлөөлөгч