Баянзүрх дүүргийн 17 дугаар хорооны албан хаагчаас халдварын сэжигтэй тохиолдол илэрч, тус хорооны үйл ажиллагааг тодорхойгүй хугацаагаар зогсоогоод буй.
Энэ талаар ХӨСҮТ-ийн Тандалт, судалгааны албаны дарга А.Амбасэлмаа дэлгэрэнгүй мэдээллээ.
Тэрээр “БЗД-ийн 17 дугаар хорооны Эмнэлгийн гудамжны хоёр иргэн халдвар авсан нь өчигдөр орой батлагдсан. Тухайн иргэд нь батлагдсан тохиолдлын хавьтлууд байсан байна.
Иймд тухайн иргэдийн ойрын хавьтлуудыг тусгаарлаж, тухайн гудамжинд анхаарал тавьж, хоёр дахь хавьтлуудаас шинжилгээ авах ажлыг нийслэлийн Эрүүл мэндийн газар өнөөдрөөс эхлэн зохион байгуулж байгаа. Тэнд халдварын хариу арга хэмжээ зохион байгуулж, иргэдээс шинжилгээ авах ажил хийгдэж байна” гэлээ.
