Хатуу хөл хориог таван хоногоор сунгаж энэ сарын 11-ны өглөө 06 цаг хүртэл үргэлжлүүлхээр боллоо. Мөн Цагаан сарын баярыг нийтээр тэмдэглэхгүй байх шийдвэр гаргалаа.
Энэ талаар Шадар сайд Я.Содбаатар "Манай улс нийтийн дархлаа болох вакцинжуулалт руу эрсдэл багатай хүрэх, иргэдийнхээ амь нас эрүүл мэндэд ноцтой хохирол учруулахгүйгээр даван туулах шаардлага байна. Энэ эргээд улсын эдийн засаг, иргэдийн амь амьжиргаанд тустай. Бид 2021 оны эхний улиралдаа багтаж вакцинжуулалтаа эхлэнэ гэж тооцож байгаа. Иймээс бид хамтын хариуцлагатайгаар энэ үеийг давах хэрэгтэй байна.
Энэ жилийн Цагаагчин үхэр жилийн Цагаан сарын баярыг нийтээр тэмдэгдэхгүй байх шийдвэр гаргалаа. Өнгөрсөн онд цагийн тулгаж ийм шийдвэр гаргаж байсан" гэлээ.
Мөн тэрээр үргэлжлүүлэн "Манай улс сайн дурын үндсэн дээр вакцинжуулалт хийдэг орон. Мөн манай улсын вакцинжуулалт горим, дэглэм, дэд бүтэц сайн улсын тоонд ордог. Бид одоо дэлхийд гараад байгаа 4 вакциныг шууд хүлээж авах боломжтой байгаа" гэлээ.
