Өнгөрсөн амралтын өдрүүд буюу энэ сарын 2-3-ны өдрүүдэд Тээврийн цагдаагийн албаны жижүүрийн шуурхай удирдлагын хэлтэст нийт зам тээврийн ослын шинжтэй 177 дуудлага мэдээлэл иржээ.
Эдгээрээс дурдвал ослын улмаас дөрвөн хүн гэмтэж бэртсэн бөгөөд хүний амь нас хохирсон ноцтой осол бүртгэгдээгүй байна.
Хүн гэмтсэн осол нь согтууруулах ундааны зүйл хэрэглэн тээврийн хэрэгсэл жолоодсоноос болжээ.
Мөн нийслэлд согтуугаар тээврийн хэрэгсэл жолоодсон 39 жолооч, орон нутагт 31 жолоочийг тус тус илрүүлж хуулийн дагуу хариуцлага тооцсон байна.
СЭРЭМЖЛҮҮЛЭГ
Ирэх өдрүүдэд ихэнх нутгаар хүйтний эрч эрс чангарч, цасан болон шороон шуурга шуурга төлөвтэй байх тул иргэд, жолооч та бүхэн хөдөлгөөнд оролцохдоо тээврийн хэрэгслийн техникийн бүрэн бүтэн байдлыг хангах, болзошгүй эрсдэлээс урьдчилан сэргийлж, аюулгүй байдлаа ханган замын хөдөлгөөнд оролцохыг Тээврийн цагдаагийн албанаас анхаарууллаа.
