Эрүүл мэндийн яамнаас шуурхай мэдээлэл хийлээ. Энэ үеэр Улсын Онцгой комиссын хэвлэлийн төлөөлөгч Ц.Ганзориг вакцинтай холбоотой асуудлаар тайлбар мэдээлэл өглөө.
Тэрээр "Монгол улс 2020 оны долдугаар сарын 25-нд ДЭМБ-ын COVAX хөтөлбөрт бүртгүүлсэн. Хөтөлбөрийн хүрээнд хүн амын 20 хувийг вакцинжуулах учиртай. Дээр нь Сангийн сайдаар удирдуулсан ажлын хэсэг бусад эх үүсвэр, бусад улс орноос вакцин авахаар ажиллаж байгаа.
Эрүүл мэндийн сайдын хэлсэнчлэн орж ирэх вакцины цаад хугацаа гуравдугаар сарын 1-н гэж хэлж болно. Тэр хүртэл та бид хүн хоорондын зайгаа барих, амны хаалтаа зүүх зэрэг дэглэмээ баримтлах хэрэгтэй. Улсын Онцгой комиссоос 80-90 хувийн хөл хориог тогтоож буй энэ үед хувь хүний хариуцлага чухал" гэлээ.
