Засгийн газрын өнөөдрийн хуралдаанаар иргэд, аж ахуйн нэгжийн цахилгааны төлбөрийг тэглэх ЗГ-ын тогтоолтой холбогдох журмыг баталлаа. Ингэхдээ өнгөрсөн жилийн мөн үеийнхтэй тэнцэх төлбөрийг төр хариуцаж үлдэгдэл төлбөрийг иргэд төлөхөөр боллоо.
Эрчим хүчний сайд Ц.Тавинбэх: Цахилгаан дулааны үнийг төрөөс даахтай холбоотой журмыг өнөөдөр баталлаа. Хэрэглээний өсөлтийг урьдчилж тооцож байсан ч хэрэглээг ийм их нэмэгдэнэ гэж бодоогүй. Хэрэглээ байх ёстой хэмжээнээс өндөр байна. Ялангуяа 17-21 цагийн хооронд ААН-ууд хэрэглээгээ бууруулах, айл өрхүүд мөн цахилгаан эрчим хүчээр дулаанаа шийдэхгүй байхыг үүрэг болгож байна. Нэмэгдсэн хэрэглээний 96 хувь нь ахуйн хэрэглээ, тэр дундаа гэр хороололд байна. Харин орон сууц болон аж ахуйн нэгжийн хэрэглээний өсөлт 6-7 хувийн өсөлттэй байна. Хэрэглээ өсөж байгаа амины орон сууцны нэг хэсэг Нүхтэд гарч байна. Энэ байршилд 2 дахин нэмэгдсэн. Иргэд ашиглахгүй байгаа байр саваа хүртэл халааж, зохисгүй хэрэглээ бий болгож байна. Иймээс цахилгаан хязгаарлах журам гаргалаа” гэлээ.
