Засгийн газрын ээлжит хуралдаанаар маргааш буюу 12-р сарын 14-нөөс эхлэн автомашины хөдөлгөөнийг хэвийн горимд оруулахыг зөвшөөрсөн юм.
Улаанбаатар хотод тогтоосон Бүх нийтийн бэлэн байдлын зэргийг шатлал бууруулж Өндөржүүлсэн бэлэн байдлын зэрэгт шилжүүлэх Засгийн газрын тогтоол өнгөрсөн Лхагва гаригт гарсан бмлээ.
Ингэснээр 34 чиглэлийн 12 мянга гаруй аж ахуйн нэгж, байгууллага, 133 мянга гаруй ажилтан, албан хаагч ажлаа явуулах боломж бүрдээд буй. Үйл ажиллагаагаа нээсэн үйлчилгээний байгууллага болох ресторан, кафе, хайпермаркет, супермакет, минимаркет, хүнсний дэлгүүр, зоогийн газар, сүлжээ хоолны газар, кофе шоп, хүнсний болон ахуйн барааны дэлгүүр 07.00-21.00 цагийн хооронд халдвар хамгааллын хатуу дэглэмийн дор ажиллана.
Тиймээс тээврийн хэрэгслийн хөдөлгөөнийг хэвийн горимд шилжүүллээ.
