Олон улсын ачаа тээврийн жолооч "Д"-гээс коронавирусийн халдвар илрээд буй.
Тэрээр 21 хоногийн тусгаарлалтаас гарсныхаа дараа дуучин Д.Дэмбэрэлнямбуугийн "Хархан нүдэн" бие даасан анхны тоглолтыг үзсэн байдаг.
Одоогийн байдлаар халдвар авсан жолоочийн гэр бүлтэй ойрын хавьтлын 73 хүний 48-ынх нь шинжилгээний хариу гарсан. Үүний нэгээс нь коронавирусийн халдвар илрээд байгаа.
Харин дам хавьтал болох 171 хүний шинжилгээнд халдвар илрээгүй байна. Энэ дунд дуучин Д.Дэмбэрэлнямбуу мөн багтаж байгаа юм.
Жолооч "Д" тоглолтын дараа дуучинтай зургаа авхуулсан тул түүнийг нэгдүгээр хавьтал хэмээн үзэж тусгаарлаад байсан билээ.
Дуучин Д.Дэмбэрэлнямбуу өөрийн сошиал хуудаснаа "Шинжилгээний хариу сөрөг гарсан байна. Тоглолтыг маань үзсэн хүн бүр эрүүл энх байх болтугай. Монгол түмнийг минь мөнх хөх тэнгэр ивээг" гэж бичжээ.
