Монгол улс анх удаа хатуу хөл хорионы дэглэм рүү шилжээд байна.
Бүх яам, тамгын газар хариуцлагатай жижүүр ажиллуулж, салбар бүрийн сайд нар хяналтаа тавин ажиллаж байна. Энэ үед ажиллаж байгаа хувийн хэвшил болон төрийн зарим байгууллагуудад тавих шаардлага, хариуцлагыг нэмэгдүүлэх чиглэл хүргүүлэхээр хуралдаж байна.
Мөн цагдаа, хуулийн байгууллагууд хатуу шаардлага тавьж ажиллахаар нэмэлт хүч гаргаж байна.
Иймд ажиллах шаардлагатай байгууллагын албан хаагчид ажлын үнэмлэх, биеийн байцаалтаа авч явахыг Засгийн газрын Хэвлэл мэдээллийн албаны дарга Ц.Ганзориг цахим хуудсаараа дамжуулан мэдээллээ.
Засгийн газрын өчигдөрийн хуралдаанаар "Хүнсний дэлгүүр, супермаркет, хүнсний зах, шатахуун түгээгүүр, эмийн сан, эмнэлэг, худаг усан хангамж, дулаан хангамж, цахилгаан станц, хэвлэл мэдээлэл, харилцаа холбоо, буяны үйл ажиллагаа, хот хоорондын хүнсний тээвэрт хязгаарлалт хийхгүй" гэсэн юм.
