Тусгаарлалтад 21 хоноод гарсан олон улсын ачаа тээврийн жолооч болон түүний эхнэрээс коронавирусийн халдвар илрээд байна. Жолооч энэ сарын 6-ны өдөр тусгаарлалтаас гарсан юм.
УОК шуурхай хуралдаж нийслэлд гурван хоногийн хөл хорио тогтоож, хотоос гарах хөдөлгөөнийг хаагаад буй. Энэ хугацаанд халдвар илэрсэн хүний хавтлуудыг тогтоож, тандалт судалгаа хийх юм. Энхий байдлаар нэгдүгээр хавьтал болох 16 иргэнийг тогтоож, шинжилгээ авч байгаа талаар мэдээлсэн.
Албаныхан тухайн иргэний маршрутыг гаргахад, тусгаарлалтаас гараад хоёр хоногийн дараа “Улаанбаатар палас”-т болсон дуучин Д.Дэмбэрэлнямбуугийн “Хар нүдэн” тоглолтыг үзсэн байна.
Халдвартай жолоочтой ойролцоо байсан иргэдийг тусгаарласны дотор тус тоглолтыг зохион байгуулсан дуучин мөн багтсан байна. Учир нь тоглолтын дараа халдвартай жолооч болон түүний эхнэр дээрх дуучинтай хамт зураг авахуулсан ажээ.
Энэ өдрүүдэ иргэд та бүхэн айж сандралгүй, маскаа зүүж, гараа ариутгаж, зай барих халдвар хамгааллын дэглэмээ сахих нь чухал юм.
