Баян-Өлгий аймгийн Мэргэжлийн хяналтын газар, Экологийн Цагдаатай хамтран наймдугаар сарын 18-20-ны өдрүүдэд Тусгай хамгаалалтай газар нутаг болох Цэнгэл сумын тавдугаар багийн нутаг, Бага түргэний хүрхрээний хажуу талын хад чулуу, Алтай Таван богд уулын Наран хайрхан уулын энгэрт байрлах хад чулуунд нэрээ бичсэн зургаан иргэнийг шалгалтаар илрүүлэн тогтоожээ.
Иргэдэд зөрчлийн хэрэг бүртгэл явуулж, торгуулийн арга хэмжээ авч, зөрчлийг бүрэн арилгуулсан байна.
Мөн иргэд аялж зугаалахдаа байгаль орчноо хайрлан хамгаалж хог хаяхгүй, хад чулуун дээр нэрээ бичихгүй байхыг анхааруулж байна.
Хэдэн зууны настай чулуун дээр нэрээ сийллээ гээд мөнх амьдрахгүй тул түүхийн дурсгалаа хүндэтгэж, хайрлан хамгаалъя.
