Нэмэгдсэн өртгийн албан татварын буцаан олголтыг 2020 оноос эхлэн улирал бүрд нь олгож байгаа.
Энэ дагуу гуравдугаар улирлын буцаан олголтыг өгөхөөр иргэдийг 2020 оны долдугаар сарын 1-нээс есдүгээр сарын 30-ны хооронд худалдан авалт хийсэн баримтаа аравдугаар сарын 8-ны өдрөөс өмнө ebarimt системд бүртгүүлэхийг Татварын ерөнхий газраас мэдээлсэн.
Тэгвэл НӨАТ-ын буцаан олголтыг маргаашнаас иргэдийн данс руу шилжүүлж эхлэх юм байна.
2020 оны III улиралд 993,469 иргэнд 43.4 тэрбум төгрөгийг буцаан олгох юм байна.
Иргэдийн ebarimt системд бүртгүүлсэн мэдээллийг хянаж, баталгаажуулан Сангийн яам руу илгээжээ. Сангын яамны зүгээс буцаан олголтын санхүүжилт шийдэгдсэн гэлээ.
2020 оны II улиралд 37.9 тэрбум төгрөгийг 882,866 иргэнд олгожээ.
