УОК-ын Шуурхай штабаас цаг үеийн асуудлаар ээлжит мэдээллээ хийлээ. Есдүгээр сарын тусгай үүргийн нислэгийн хуваарьт зарим өөрчлөлтүүд орсон болохыг ГХЯ-ны Консулын газрын дарга Л.Мөнхтүшиг мэдээлэв.
Тухайлбал, энэ сарын 21-нд Токио хот руу үйлдэхээр төлөвлөж байсан нислэгийн цуцалж, Сөүл рүү нислэг үйлдэхээр болсон байна. Энэ мэдээллийг Япон, Солонгост байгаа иргэддээ хүргэсэн бөгөөд БНСУ-д байгаа иргэдээс нутаг буцах хүсэлтэй иргэдийн тоо тогтмол нэмэгдсээр 5000 хүрчээ. Уг нөхцөл байдлыг харгалзан БНСУ руу нэмэлт нислэг үйлдэхээр болжээ.
Мөн энэ сарын 16-нд Сөүл хотоос транзит зорчигчдыг авахаар шийдвэрлэжээ. Харин Токио руу үйлдэх нислэгийг хойшлуулж, аравдугаар сард шилжүүлэх урьдчилсан шийдвэр гарсан байна. Учир нь Япон улсад нутаг хүсэлтэй 700 гаруй иргэн байгаа хэдий ч есдүгээр сард багтан яаралтай нутаг буцах хүсэлтэй иргэд нь цөөхөн байсан аж.
Энэ сарын сүүлээр тусгаарлах байрны нөөцтэй уялдуулан Казахстан улс руу дахин нислэг хийх асуудлыг судалж байна. Ингэснээр есдүгээр сард 13 удаагийн нислэг үйлдэж, 3380 орчим иргэнийг эх оронд нь авч ирэхээр болсон гэв.
Одоогийн эх орондоо ирэх хүсэлтээ 11800 иргэн гаргасан байна. Тухайлбал,
- БНСУ-аас 5,000 иргэн
- АНУ-аас 2,000 орчим иргэн
- Австрали улсаас 700 орчим иргэн нутаг буцах хүсэлтээ гаргажээ.
